တၠအဝဵုမ္ဂးဂှ်

၁၉၉၆ တုဲကၠုၚ်ဂှ် နကဵုယၟုလိခ် “ဍာ်ကၞေဟ်မွဲထၞုဟ်” ချူပတိတ်တုဲ၊ သွက် ၁၉၉၇ ဂှ်ပၠန် “တၠအဝဵုမ္ဂးဂှ်” ချူပတိတ်ဏာရ။ လိခ်ကၞပ်တၠအဝဵုမ္ဂးဂှ်ဝွံ ပွိုၚ် ၁၉၉၇ မွဲသၞာံ ကေတ်အခိၚ်အကြာတိုန်ဘာ သီုအကြာကၠောန် ကမၠောန်ဂကောံဂကူတုဲ ပကောံချူလဝ်ရ။ ဆဂးဂှ် တၚ်ကၞဟ်ဍိုက်ဍိုက်ပေၚ်ပေၚ်ဂၠာဲပကောံ ပကေဝ်ဟွံမာန်ကီု၊ တၚ်သ္ၚဳဂၠိပ်ပတိုန်ထ္ၜးလ္ၚဵုဂှ် ဍိုက်ဍိုက်ပေၚ်ပေၚ်ပတိုန်လဝ်ဟွံမာန်ကီုတုဲ ညးဗှ်လိခ်တအ်သီုညးဖအိုတ် ကြက်ဂွံ ညာတ်ကေတ်အာမာန်ရောၚ်။

            ညးချူလိခ်ဝွံ ဟိုတ်နူသ္ကေတ်သ္ကာလ္တူကွတ်ပညာချူလိခ်တုဲ ချူမံၚ်လိခ်ဟွံသေၚ်ရ၊ ဆဂးကီုလေဝ် ပ္ဍဲအ ခေတ်ကာလပေါဲဗတိုက်ပရေၚ်ဂကူ, ပရေၚ်ဍုၚ်ကွာန်, ပရေၚ်ဒဳမဝ်ကရေဇြဳဂကူဂှ် သွာၚ်ကွတ်လလောၚ်ပရိုၚ်မွဲ ပါလုပ်မံၚ်မွဲသွာၚ်ရောၚ်ပတှ်ေကေတ်တုဲ ပ္ဍဲလိခ်လၟေၚ်ကွးဘာမန်ကီု ဂစာန်ချူကၠုၚ် လ္ၚတ်ဂၠိုက်ဂၠာဲကၠုၚ်လဝ်ရ။

            နကဵုအသိၚ်အလိုန်ပရေၚ်ဍုၚ်ကွာန်အပ္ဍဲဍုၚ်မ္ၚးဍုၚ်မံက်ဂတဝ်ကၠုၚ်ဂှ် ဗွဲမဂတာပ်အခိၚ် သွက်ဂကူမန်ပိုဲဂွံ ကေမ်ၛှာပ်ကေတ်မာန် ဂွံရုန်ဂစာန်တိတ်ဗၠးအာနူအဖဳပရိယဲဍာ်ပလာဲပရေၚ်ဍုၚ်ကွာန်ဗော်ပၞာန်ဗၟာမာန်၊ ကောန် ညးဍုၚ်ကွာန်ဂမၠိုၚ် ဟွံတီကၠိုဟ်ခၠၚ်ဒ္ဂေတ်လၟေတ်ကွေတ်တၠအဝဵု၊ နဲကဲတၠအဝဵုတအ်ရပ်စပ်လဝ်လ္တူဂကူမန်ပိုဲတုဲ ချူပကောံပကေဝ်လဝ်မဒှ်ရ။